Rah u Deibormite bad ka Dakahipaia iaka nam nong iakura ba tbit tam haka All Jaiñtia Open Boxing Championship

Syllad | The Rising MeghalayaMarch 25, 2023

U Deibormitre Khonglah bad ka Dakahipaia Lyngdoh kila iohrah iaka nam Best Boxer ne ki nongiakura ba tbit tam naka lympung ialehkai 5th All Jaiñtia Open Boxing Championship 2023 kaba ar sngi kaba la poi noh sha kaba kut haka sngi Saitjain.

Ia kane ka rynsan iakura la pynlong da ka West Jaintia Boxing Association (WJBA) ha madan Daimasi, Ladthadlaboh, Jowai.

U Deibormitre ula ioh ia kane ka nam ba tbit haka kyrdan elite haka jingkhia kaba 49-52 kg. Haka jingiakhun final ula pynliem ia u Samehipaia Suting. Katba ka Dakahipaia kala ioh ia kane ka nam best boxer haka kyrdan youth haka jingikhia 50-55 kg bad haka jingiakhun final kala pynliem iaka Imanroi Chympa.

Katba ia ka nam Most Promising Boxer la ioh da u Marleki Suchiang haka kyrdan Junior (48-51 kg) bad ka Heiniwanki Nangbah na ka kyrdan Youth (Kynthei) ha ka jingkhia 50-55kg.

U Marleki Suchiang haka jingiakhun final ula jop ia u Mynnu u emi Khonglah.

Ha kane ka sngi pynkut ia kane ka rynsan iakura la lah ban pynlong haduh 16 Bout kynthup haka kyrdan Junior, Sub-Junior, Youth bad Elite.

U kongsan uba wan sakhi ia kane ka iakop iakura u dei u Additional Deputy Commissioner West Jaintia Hills District u FB Basan kum u kongsan ha ryngkat ka jingiadonlang u District Sports Officer, West Jaintia Hills District, K Passah ki ba la sam ruh ia ki khusnam sha ki nongjop haka jingiadonlang ki nongialam bad dkhot ka WJBA