Pynbna u DC EJH ba tang ki kharkhana Coke kiba ioh CTO ki lah ban saiñ rnga dewiong

Syllad | The Rising MeghalayaJuly 16, 2021

U Deputy Commissioner, East Jaintia Hills District Bah E Kharmalki ula pynbna paidbah ba tang ki Coke Factory kiba ioh iaka Consent to Operate (CTO) kiba lah ban sdang iaka jingtreikam ne pynmih ia u rnga dewiong ha baroh kawei ka district.

U Kharmalki haka jingpynbna kaba ula pynmih haka 15 tarik une u bnai ula ong shuh shuh “Ki Coke Factory kiba la ioh tang iaka Consent to Establish (CTE), hynrei ki bym pat ioh pat iaka CTO kim lah ban sdang treikam lane saiñ ia u rnga dewiong.”

Dawa ka ECC ban khang ia ki kharkhana Coke beaiñ ha elaka Sutnga

“Ki Coke Factory kiba la ioh tang iaka clearance certificate na ka Single Window Agency (SWA) kim lah da lei lei ban shna kharkhana ne ban pynmih ia u dewiong bala sain rnga (coke),” ong u DC ha ka jingpynbna paidbah kaba ula pynmih.

Wan jurip ka Assembly’s committee on environment iaki kharkhana saiñ rnga dewiong ha East Jaintia Hills

Kumban shu pynkynmaw ka Environment Co-ordination Committee (ECC), Elaka Sutnga ha u bnaui Jylliew bala dep, kala la ujor sha u Deputy Commissioner, East Jaintia Hills bad dawa ban khang shisyndon ia baroh ki kharkhana coke kiba la ieng rasong beaiñ hapoh Elaka Sutnga.

Katkum ka RTI bala ioh ka ECC naka Meghalaya State Pollution Control Board (MSPCB) ha u Lber 17 tarik ba ki don tang 5 tylli ki kharkhana coke hapoh ka district kiba la ioh Consent To Operate (CTO) ne ka jingbit ban ioh saiñ rnga dewiong bad baroh kidei kiba la pyntreikam khlem da ioh iaka CTO.

Ka ECC kala ong ba 12 tylli na ki 36 tylli ki kharkhana coke kiba la ioh iaka Consent to Establish (CTE)  naka MSPCB bad kiba tam baroh kila pynieng beaiñ ia kine ki kharkhana saiñ rnga dewiong.