Wan jurip ka Assembly’s committee on environment iaki kharkhana saiñ rnga dewiong ha East Jaintia Hills

Syllad | The Rising MeghalayaJune 29, 2021

Ka Assembly’s Committee on Environment haka sngi ba Ar kala wan jurip iaki kharkhana saiñ rnga dewiong ne coke factory ha East Jaintia Hills District.

Ia kane ka committee la ialam da u Bah SK Sunn, MLA Mawphlang.

La synran lang ia u da ki dkhot ka committee ba kynthup ia u MLA Mawsynram Himalaya M Shangpliang, MLA Ampati ka Miani D Shira, MLA Rambrai Jyrngam Kimfa S Marbniang, MLA Umroi u Bah George Bankyntiewlang Lyndoh nalor u Deputy Commissioner, East Jaintia Hills bad ki ophisar ka Meghalaya State Pollution Board (MSPCB) bad ki nongialam ka Environment Co-ordination Committee (ECC), Elaka Sutnga.

Kane ka jingwan hiar jurip ka Assembly’s committee on environment kadei hadien bala ujor ka Environment Co-ordination Committee (ECC) halor ka jingjyllei ki kharkhana saiñ rnga dewiong beaiñ kiba la ieng rasong ha Elaka Sutnga, East Jaintia Hills District.

Ka ECC kala ai khublei iaka Assembly’s committee on environment kaba la wan jurip dalade ia kine ki kharkhana coke factory bad ka kyrmen ba ka committee kan shimkhia ban pyndam ia kine ki kharkhna kiba la ieng rasong ha kane ka thain.

Ka Assembly’s Committee on Environment kala pan ka report naka MSPCB halor jingseng kharkhana ha East Jaintia Hills.

Ka Committee on Environment kala hiar jurip iaki kharkhana coke sha Umpleng, Nongjri, Sookilo. Kala hiar ruh sha Brishyrnot.

Dawa ka ECC ban khang ia ki kharkhana Coke beaiñ ha elaka Sutnga

Kumban shu pynkynmaw ka Environment Co-ordination Committee (ECC), Elaka Sutnga kala la ujor sha u Deputy Commissioner, East Jaintia Hills bad dawa ban khang shisyndon ia baroh ki kharkhana coke kiba la ieng rasong beaiñ hapoh Elaka Sutnga.

Katkum ka RTI bala ioh ka ECC naka Meghalaya State Pollution Control Board (MSPCB) ha u Lber 17 tarik ba ki don tang 5 tylli ki kharkhana coke hapoh ka district kiba la ioh Consent To Operate (CTO) ne ka jingbit ban ioh saiñ rnga dewiong bad baroh kidei kiba la pyntreikam khlem da ioh iaka CTO.

Ka ECC kala ong ba 12 tylli na ki 36 tylli ki kharkhana coke kiba la ioh iaka Consent to Establish (CTE)  naka MSPCB bad kiba tam baroh kila pynieng beaiñ ia kine ki kharkhana saiñ rnga dewiong.