Pdiang burom ka JSU bad BAM ia ki nongialehkai Kick Boxing

Syllad | The Rising MeghalayaSeptember 3, 2021

Ka Jaintia Students’ Union (JSU) bad ka Bouncer Association of Meghalaya (BAM), Jaintia Hills kala pdiang hurom iaki nongialehkai Kick Boxing ka district hapoh ka lama jong ka Meghalaya State Kickboxing Association (MSKA) kiba la wan ban iashimbynta na ka WAKO India Seniors & Masters National Kickboxing Championship 2021 kaba long haka 26 haduh 29 Nailar ha Dayanand Bandodkar Stadium, Mapusa, Goa.

Kine ki nongialehkai kiba shah pdiang burom ki dei u Hame Shaniah Suiam uba la khur iaka takma ksiar hadien ba ula jop haka jingiakhun Senior Men Point Figting -57 kg bad ka takma rupa haka Senior Men Point Figting -63 kg.

Kiwei kiba ioh takma rnong na katei ka lympung ki kynthup iaka Nisanshwa Lyngdoh (Senior Women K1 -48 kg), Bantei Sungoh (Senior Men Low Kick – 60 kg), Arthur Cornelli N K (Senior Men K1 – 75 kg) bad Pynnehbor Mylliemngap (Senior Men Musical Form Hard Style).

Ha kane ka lympung 7 ngut na Rilum Jaintia kila leit ban ia shimbynta.

Ka JSU bad ka BAM kum ka dak ban pynpaw iaka jingkmen halor ka jingjop jong kien ki nongialehkai kiba la wanrah iaka nam ka burom ka district bad ka jylla kala pdiang burom ia kine ki nongialehkai ha jingkieng Pamblah, Wah Myntdu shuwa ban rung ka sor Jowai.

La iadonlang u general secretary ka JSU u Treiborlang R Suchen bad kiwei kiwei ki dkhot nalor u president ka BAM Yoosar Kynjing bad kila ai ruh iaki jingai sngewbha katba ioh ei sha kine ki nongialehkai.