Khur takma ksiar bad rupa u Hame Shaniah Suiam haka National Kickboxing Championship ha Goa

Syllad | The Rising MeghalayaAugust 31, 2021

U Hame Shaniah Suiam ula khur iaka takma ksiar bad ka takma rupa haka lympung ialehkai WAKO India Seniors & Masters National Kickboxing Championship 2021 kaba long haka 26 haduh 29 Nailar ha Dayanand Bandodkar Stadium, Mapusa, Goa.

U Hame Shaniah ula khur ia kine ki takma ksiar hadien ba ula jop haka jingiakhun Senior Men Point Figting -57 kg bad ka takma rupa haka Senior Men Point Figting -63 kg.

Kiwei pat ki khynnah ialehkai ka jylla kiba khur takma rnong:

Nisanshwa Lyngdoh (Senior Women K1 -48 kg)
Bantei Sungoh (Senior Men Low Kick – 60 kg)
Arthur Cornelli N K (Senior Men K1 – 75 kg)
Pynnehbor Mylliemngap (Senior Men Musical Form Hard Style).

U Lorenzo Pearson Warjri Working President, Meghalaya State Kickboxing Association (MSKA) ula ong ba kane ka National Kickboxing Championship kadei ruh ka wat kaba nyngkong ban jied iaki nongialehkai ka ri sha ka 6th Asian Indoor Martial Arts & Games Bangkok Chonburi kaban long haka March (Lber) 2022 kumjuh sha ka World Kickboxing Championship ha u bnai Risaw ha ri Italy.

Nakaliang ka MSKA kala ai khublei ia baroh ki nongialehkai ka jylla kiba la ialehkai bha ha kane ka rynsan.

  Lorenzo Pearson WarjriWorking President MSKA