Kyntu ka KSU na u DC ban tuklar halor ka jingshah pyniap u rangbah ha khappud Assam Meghalaya

Syllad | The Rising MeghalayaJune 6, 2024

Ka Khasi Students’ Union (KSU) West Jaintia Hills District Unit haka 6 tarik Jylliew kala dawa na u Deputy Commissioner, West Jaintia Hills District ban tuklar halor ka jingjia shah pyniap u Rangbah ha khappud Assam Meghalaya ha ka shnong Lapangap.

Kumban shu pynkynmaw kane ka jingjia shah pyniap une u Rangbah ba ithuh kum u Tellme Talang (31 snem) kala jia haka 29 tarik Jymmang bad la lap iaka met iap kaba thiah lyngktar ha jaka rep haka sngi kaba bud.

Ka KSU haka jingialam u vice President samla Chanbor War bad general secretary Leningrad Tariangbad kiwei kiwei ki dkhot nongkitkam kila leit ia kynduh ia u Deputy Commissioner West Jaintia Hills District ban kyntu ia u ban pynioh jingiarap sha ki khun ki kti jong une u lanot (L) Tellme Talang u ba shah pyniap dusmon haki briew bym ithuh haka 29/05/2024 ha jaka rep lyngkha jong u ha jan khappud Assam.

Shah pyniap dusmon u wei ha khappud Assam Meghalaya

Ka KSU kala ong ba nakaliang u DC u la kular ban shimkhia naka bynta ban ai jingiarap sha ka ing une u lanot bad u DC u la kular ruh ban bthah iaki Officer ban shimkhia ban pynlong iaka jingthohkit ban pynioh iaka jingbishar hok ia une u Rangbah

Ka seng ka la dawa ruh na u DC ban pynsted iaka jingthohkit bad kem mardor ia kiba donkti ban pyniap ia u (L) Tellme Talang.