Shah pyniap dusmon u wei ha khappud Assam Meghalaya

Syllad | The Rising MeghalayaMay 30, 2024

Uwei u briew uba la ithuh kum u Tellme Talang 31 snem ula shah pyniap dusmon ha ki runar kiba ym lah satia ban ithuh ha khappud Assam Meghalaya ha Lapangap.

Kane ka jingjia la suba ba kala jia haka step 29 tarik Jymmang ha kaba la lap pat iaka met kaba thiah lyngktar ha jaka rep ha Lapangap haka 30 tarik Jymmang.

U Waheh Shnong Lapangap, u ma Deimon Lyngdoh ula iathuh une u Tellme ula mih na iing dangstep haka 29 tarik haka por kumba 5 baje mynstep ban leit jngoh iaka lyngkha rep.

Hadien ba um poi iing kiba haiing kila wad bad lap iaka met jong u jaka rep mynta ka sngi. Katkum ki dak ki shin une u rangbah ula shah pyniap dusmon ha ki runar kiba ym lah ban ithuh.

Kumta na kaliang ka dorbar chnong kala pyntip mar mar sha ki pulit ka Saitsama Police Outpost ban shimti iaka met bad ban leh ia kaba donkam. Halor kane ka jingjia ka jingtoikit ki pulit kala iaid shakhmat.