Yn tohkit ka SIT halor ka jingshah pyniap ba shyrkhei jong ki 4 ngut ha East Jaintia Hills

Syllad | The Rising MeghalayaJuly 6, 2024

Namar ka jingshyrkhei ka rukom shah pyniap dusmon jong ki sawngut ki suba bar jylla ia kiba la lap na ki bynta jong ka shnong Umpleng, East Jaitnia Hills ha ka 6 tarik mynta u bnai, na ka liang ka tnad pulit ka la thaw ia ka kynhun tohkit ba kyrpang (Special Investigation Team (SIT) ban iarap lem ha kaba pynlong ia ka jingtohkit halor kane ka jingjia.

U Superintendent of Police ka EJH, u la ong ba kine ki saw ngut ki briew kila shah pyniap dusmon da kaba teh lang hajuh ia ki kti ki kjat jong ki bad mait da ki kynja wait na khlieh bad ryndang. Ia kine ki metiap la lapdien da ki nongshong shnong na lyndet jong ka iew Umpleng.

Na ka liang ki heh pulit ha ryngkat ka kynhun CSU, Mobile forensic Crime scene unit bad u Megistrate ki la wan poi mar mar sha kane ka jaka ban bishar bniah ia ka jinglong jingman bad hadien ka jinglum ia ki sakhi satar la pynkynriah noh ia kine ki metiap shapoh Civil Hospital Khliehriat ban leh ia ka post mortem.

Kat haduh mynta dang lah ban ithuh tang ia ka metiap jong uwei napdeng jong ki ia uba la tip kyrteng kum u Ravi Rai 23 snem rta uba dei na ka shnong Elam, Nepal.