Yn thaw EC ka UDP-NPP ha JHADC
SHILLONG: Ka National People’s Party (NPP) kaba ïalam ïaka sorkar Jylla kala pynkhreh ban thaw ïaka Executive Committee kaba thymmai ryngkat bad ka paralok United Democratic Party (UDP) ha Jaiñtia Hills Autonomous District Council (JHADC).
“Ngi la rai ba ka UDP and NPP kan thaw ïaka executive committee ha Jaintia Hills”, ong u heh duh ka UDP bad lamphang ka ïing dorbar ka Jylla u Donkupar Roy hadien ka jingïalang bad ki MDC ba dang shah jied thymmai haka Sngi Saitjaiñ.
Na ka 29 constituency ha JHADC ka NPP kala jop 12 bad ka UDP 10. “Ka NPP kala ïoh bun ngut ki MDC bad ka shonghok ban kan ïoh shuki Chief Executive Member (CEM) bad UDP ka shuki Dy CEM,” ong u Bah Don.
“Ngi la rai ruh ba shuki Chairman ka konsil kan ioh ka UDP bad deputy chairman sha ka NPP,” ula ong shuh shuh u Bah Don.
Ïaka shuki EM pat yn ïa bhah 5-4 ha kaba ka NPP kan ioh san ngut ki EM bad ka UDP saw ngut.
Ha KHADC pat ka Regional Democratic Alliance (ba kynthup ïaka UDP, HSPDP bad ka NPP kin thaw ïaka EC ha Khasi Hills Autonomous District Council (KHADC). Katba ka shuki CEM yn sa rai haka jingiakynduh ïaka jong ka RDA bad hadien bad ka NPP, la ong u Bah Donkupar.
Facebook
Instagram
Youtube
Twitter
Leave a Reply