Yn pynlong mock drill ban pynkhreh na ki jinghiar thma liengsuin ha ka Jylla

Syllad | The Rising MeghalayaMay 6, 2025

Ka Jylla Meghalaya lashai ka sngi 7 tarik Jymmang kan pynlong ia ka mock drill kum ka jingpynkhreh na ka jinghiar thma da ki liengsuin ne ‘Air Raid Precaution’ ka ban sdang naduh ka por 4 baje janmiet shaneng.

U Senior Staff Officer uba dei ruh u Additional PRO ka Directorate of Civil Defence and Home Guards, u Bah Paul Shylla u pyntip paidbah ba kan don ruh ka jingpynsawa siren ne Air Raid Siren ha ka por 6:30 jan miet bad ka “Black Out” ne ka jingpynlip ia ka bording elektrik ka ban neh ar minit hadien ka jingsawa siren.

Kumta la kyntu ia ki paidbah ba kim dei ban klumar jingmut namar la leh ia kane shibynta jong kane ka mock drill.