Yn pynkup burom ka Seng Nongjri Shillong ia ki khynnah pule ba pass bha

Syllad | The Rising MeghalayaOctober 25, 2023

Ka Seng Nongjri Shillong kaba la seng naduh u snem 1963 kan pynlong ia ka ‘General Meeting cum Social Meet’ kaba 60 jong ka ha ka 28 tarik mynta u bnai ha Community Hall, Golflink, Shillong ha ka por 10:30 mynstep.

Ha kane ka sngi kan don ruh ka jingai khusnam sha ki khynnah pule jong ka Shnong Nongjri kiba ioh heh mark tam ha ka eksamin jong une u snem 2023, kata naduh SSLC bad Degree na kino kino ki skul kolej bad University lane Institution.

Kumta la kyrpad ia baroh ki para shnong Nongjri kiba shong ba sah shabar ka Elaka Nongjri ba kin ia poi khnang khnang sha kane ka jingialang khnang ba kan ka jingïakynduh  lang kan long kaba jop. Kane ka long katkum u kyrwoh lyngba u Bah Peace M Nongsteng, Secretary.