Yn plie iew lai sngi ha ka taiew ban wan ha EJH

Syllad | The Rising MeghalayaJuly 2, 2021

U District Magistrate, East Jaintia Hills District, Bah E Kharmalki haka sngi Thohdieng ula pynbna biang ba yn shah ban plie iaki iew lai sngi ha ka taiew ban wan haka sngi Nyngkong, Balang bad ka Sngi Thohdieng.

Kine ki iew kiba shah ban plie ki kynthup iaka Khliehriat East & West, baroh ka iew Ladrymbai, Umpleng, Chiehruphi, Lumshnong, Sohkymphor, Sookilo, Saipung, Samasi, Jalaphet, Rymbai, Wapung, Sutnga, Bataw and Umkiang bad ki dukan shnong kiba pyniaid da ki Dorbar Shnong ne Market Committee.

Ia kine ki iew la shah ban plie naduh ka por 9 baje mynstep haduh 3 baje nohphaisngi.

Ym shah ban iaid na kawei ka district sha kawei ka district khlem ki pass bad kiba leh pyrshah kin shah pynshitom katkum ki kyndon jong ka aiñ.

Shuh shuh ki dukan hapoh shnong kin plie naduh ka por 2 Pm haduh 6 pm.

Kiwei kiwei ki jingpyrkhing kin neh kumjuh bad ki kam kiba la pyllait n aka kyndon pyrkhing ban tem iaka jingpur ka jingpang khlam COVID-19