Yn lilam ia u dewiong ba 46882 MT ha West Jaintia Hills

Syllad | The Rising MeghalayaJuly 20, 2023

U Deputy Commissioner,West Jaintia Hills District u pyntip ba katkum ki kyndon jong ka National Green Tribunal (NGT) committee, la kyntu ia kino kino ki kynhun ne riew shimet kiba don mon ba kan don ka jingdie lilam kyllum ia u dewiong ba la ioh kurup.

Une u dewiong u dei u dei uba don ha ki saw tylli ki jaka, kata ha Phramer Traffic Cell, Phramer 70 MT. Police Reserve, Jowai 45760 MT, Khlookynring 21.12 MT bad kiwei pat ki jaka ha Shkentalang bad ki thain ba marjan 1031 MT. Ka tarik bad ka por ban pynlong ia kane ka jingdie lilam kan long ha ka 1 tarik Nailar 2023 ha ka por 12:30 PM. Ka dor kaba rit eh na ka bynta shi Metric Ton ka long 2160.00.

Kino kiba don ka mon ban iashimbynta ha kane ka jingdie lilam ki dei ban phah ia ka jingkhliehdor (Bid) ka jong ki ha ka envelop ba la tah bha ryngkat ka jingthoh ha ka kot sada bad ban kdew shai ia ka dor kaba ki pan da ki kyntien bad ki nombor.

Ia kane ka envelop dei ban phah ha lane shwa ka 31 tarik Naitung 2023 kat haduh ka por 3 baje janmiet. Ia ki jingbatai bniah kiba iadei bad ka kyrteng bad ka jaka shong jaka sah bad   identity card jong ki nongkhliehdor ne bidder dei ban suhlang ba ka dor kaba ki pan. 

Ia ka pisa kaba long T.10,000.00 (Shiphew hajar) kum ka jingsiew ban pynthikna (earnest money) ha ka rukom jong ka deposit on call dei ban thoh sha u Deputy Commissioner  West Jaintia Hills District.