Yn lehkmen Christmas ka Jowai ha ryngkat ki ñiut

Syllad | The Rising MeghalayaDecember 22, 2021

Ka sor Jowai bad ki nongshong shnong jong ka kin lehkmen iaka Christmas ha ryngkat ki ñiut kiba la syrtap ha Iawmusiang, Jowai.

Kane ka jingsahkut ki ñiut kadei hadien ka jingpyrshah ki paidbah hapoh ka lama jong ka Elaka Nartiang Coordination Committee ban bret ñiut ha Thadmusem.

Kane ka jingeh jong ka sor Jowai ban bret ñiut kam dei shuh shuh kaba thymmai bad kane ka jia long ba thurmur ka rukom treikam jong ka tnad pynroi sor kumjuh ka Jowai Municipal Board (JMB) namar ba haba ka leh ia kano kano ka kam khamtam haba jied iaka jaka bret niut, kam shym la shim iaka sur jong u paidbah, khnang ban iabit ia biang lang salonsar.