Yn iaknieh nam lahduh ka Kynsai Stream Fensing ka football team kaba thymmai na East Jaintia Hills haka gold cup ka WSSWO

Syllad | The Rising MeghalayaNovember 28, 2024

Ka jingiaknieh nam lahduh ha ka lympung ialehkai phutbol gold cup ka WSSWO kan long lashai ka sngi, 29 tarik Naiwieng 2024 ha madan Wapungskur.

Ha kane ka phainal, yn aireng ka Kynsai Stream Fensing Football Team (KSF-FT) pyrshah ia ka Rymbai Shkenshynriah SC.

Ka Kynsai Stream Fensing Football Team (KSF-FT), kaba dei ka football team kaba thymmai napoh ka thaiñ East Jaintia Hills District, kaba long trai da u Ma Kynsai Pasleiñ, u Ma Streamly Nongjop Suchen bad u Ma Fensing Syrti, kine baroh 3 ngut kiba dei na ka thaiñ East Jaintia Hills District Khliehriat. Kila pyntip ba ka kynhun  jong ki kala long kaba pynkhreh ban iakhun ia kane ka final bad ki don ka jingkyrmen ba kin ioh ia u soh ka jingjop.

Ka KSF-FT ka khot ka wer iaphi ki paidbah nongkhyrshan kiba ieit phutbol napoh ka thaiñ East Jaintia Hills District ban wan sakhi lang iaka phainal, khnang ban ai jingkyrshan bad khring ia ki khun samla jong ka thaiñ sha ka kam ialehkai football khnang ba kin lait na ki jingsniew ka imlang ka sahlang khamtam ban iakhun pyrshah ia u drok uba la jyllei bha haka thain ban ioh ia kata ka imlang ka sahlang kaba suk bad kaba shngain.

Kane ka jingialehkai kan sdang haka por 12:30 ha madan ialehkai ka WSSWO, Wapungskur East Jaintia HIlls District