Yn ïakhun biang u MDC ba jop lai samoi pyrshah ïa u lok ka Dr. Ampareen

Syllad | The Rising MeghalayaFebruary 4, 2019

SHILLONG: U Executive Member jong ka KHADC bad u MDC jong ka Laitumkrah-Malki Constituency u Bah Neil Antonio War ula pynthikna ba u ïakhun biang ïaka elekshon MDC sha ka ïaing dorbar thawaiñ ka KHADC bad un ïakhun na ka party UDP.

“Ngan ïakhun biang ïaka elekshon MDC. Ngan thep kyrteng haka sngi Palei”, la ong u Bah Antonio haba kren bad ki nongthoh khubor ha ka sngi Nyngkong. Une u MDC bala jop la lai samoi, ula kubur ba kiba haïing jong kila pynbor ba un sangeh ban ïakhun elekshon, hynrei ki nongkyrshan jong kila ong ba kin trei shitom ban pynpoi ïa u sha ka thong.

U bah Antonio War un ïakhun bad u lok ka Dr. Ampareen Lyngdoh MLA u Fantin Joseph Lakadong jong ka Congress.

U nongïalam ba rangbah ka UDP u Bah Bindo M Lanong ula ther tyngeh ïa ki briew kiba ïalam bakla ïa u paidbah bad ula ong ba u Bah Antonio u dei u kyrtong ba la mynjur ka UDP shen ka UDP kan pyllait ïaka elekshon ‘manifesto’ ne ka mat treikam ka party.

Ula ong ba kam dei kum ka Panchayati Raj System kaba phai tang ha ki kam pynroi, hynrei haka konsil pat kam dei tang ka kam pynroi hynrei ban pynnneh pynsah ïaka riti dustur u trai muluk.

Ka party kan pynbor ban pyntreikam ïaka aiñ kyntiap seng ban ïada ïaka jingkyntiap seng ki MDC bad ban khlain bor ka synshar ka khaddar.bad ban pynbha ïaka village court.