Inter District U-19 Boys Cricket: Yn aireng ka ka Shillong CA (B) bad ka All Jaintia CA haka final Zone 1

Syllad | The Rising MeghalayaApril 28, 2022

Ka Shillong Crcket Association B team kan aireng pyrshah iaka All Jaintia Cricket Association (AJCA) haka final ka Inter District U-19 Boys Cricket naka Zone 1 kaba pyniaid da ka Meghalaya Cricket Association (MCA) ka ban long haka 30 tarik une u bnai ha Khliehtyrshi.

Ki khynhun kiba jop na kane ka jingiakhun kin aireng ban iaknieh iaka nam lahduh pyrshah iaka East Garo Hills haka 2 tarik u Jymmang.

Ka Shillong CA B team kala rung sha ka final hadien bala pynpulom u slap iaka jingiakhun ka Ribhoi pyrshah iaka East Khasi mynta ka sngi.

Katba ka jingiakhun bang ja ha Tura, ka South Garo Hills kala pynliem iaka North Garo Hills da 5 wicket ban lait kaba leit thylli. 

Haka jingiakhun hadpeng ka Ri Bhoi kaba donkam ban jop bun pyrshah iaka EKH haka Group A katkum ka net run rate kala ialehkai bha bad kala kynjoh 162/6 haka  22.3 overs, kata 7.20 run shi over kala kamai, pynban ula lap bah ula wan ban ther jur bad pynpulom iaka jingangnud jong ka Ri Bhoi.

Hadien bym ailad u slap,ki bor pyniaid kila pynsangeh shisyndon iaka jingialehkai.

U Reshab Subedi ula kamai 59 run naka 42 bol (8x4s, 2x6s) katba ki nongkawang bol ka EKH u Raj Kishor Yadav (2/32) bad Rahul Kumar (2/47) kila khyrwit mar ar wicket.