Ym shah paidbah haka Behdieñkhlam ka Mukhla

Syllad | The Rising MeghalayaAugust 16, 2021

Ka Seiñraij Mukhla kala pynbna paidbah ba kala khang pyrshah ban wan ki paidbah sha ka jinglehniam Behdieñkhlam kaba ban sdang naduh lashai 17 tarik haduh 20 tarik u bnai Nailar 2021.

U General Secretary ka Seiñraij Mukhla, T Sumer ula ong ba na ka daw ka khlam COVID-19, ïaka Behdieñkhlam hap ban pynlong katkum ka SOP kaba la ai da ka sorkar lyngba ka ophis u Deputy Commissioner, West Jaintia Hills District. Ula ong ruh ba tang kiba la dep ai tika COVID-19 kiba lah ban iashimbynta ha kane ka Behdieñkhlam.

Iaki paidbah watla dei na ka Seinraij Mukhla, lane ki paralok kiba na kiwei ki raij bapher bapher ym shah ban wan sha kane ka Behdieñkhlam khnang ban lah haka ban bud iaki adong adit ka sorkar ha kaba iadei bad ka jingkhang ban lum paidbah.