WJDSA: Rung quarter ka Mukhla Raij bad ka Dulong haka Under-17, jop ka Nangbah Pohshnong haka Third Div

Syllad | The Rising MeghalayaAugust 5, 2023

Ka Mukhla Raij bad ka Dulong kila lah ha kaban buh jaka ialade haka quarter final jong ka Independence Day Cup Under-17 Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Saitjain.

Haka jingialehkai ka Mukhla Raij kala jop da 3-2 pyrhsah iaka Lion. Ia kine ki kol la thep da u Edwin Suna 11’ bad u Guisldingstar Suna 31’ & 60’+1. Ki ar kol ka Lion la thep da u Nikhil Shylla 30’ bad u Banker Lang Dkhar 53’.

Ka Dulong kala pynliem 1-0 iaka Lumpariat. Kane ka kol ka dei ka own goal kaba la thep da Esalanme Bareh (Lumpariat) haka minit kaba 58’.

Haba phai sha ka Third Division ka Nangbah Pohshnong kala pynliem da 3-1 iaka Loompyrdi. U Lakhon Dkhar ula kylla long u namtam ha kane ka jingiakhun ha kaba marwei ula thep kol 34’, 40’ & 45’ kaba la biang pura iaka Nangbah Pohshnong ban khur namjop. Shikol ka Loompyrdi Iongpiah la thep da u Bhaki Hinge (Nangbah) haka minit kaba 63’.

Ka jingialehkai hapdeng ka SCSC Nonglatem pyrshah iaka Mukhla Umlangshor kala kut da 2-2. Na kaliang ka SCSC Nonglatem la thep kol da u Pial Langshiang 12’ bad u Rikwis Mynsong 69’, katba naka Mukhla Umlangshor u Rio Lyngdoh 9’ bad u Ni o Sumer 47’.