WJDSA: Jop ka Niaw Wasa haka Under 17, ka Lumkhangdong haka Third Div

Syllad | The Rising MeghalayaJuly 26, 2023

Ka Niaw Wasa Utd kala jop iaka jingiakhun kaba nyngkong jong ka da 3-1 pyrshah iaka Dongmihsngi haka Independence Day Cup Under-17 Football Tournament kaba long pynlong da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Katba ka jingiakhun hadpeng ka Mynthong pyrshah iaka Sohmynting kala kut noh da kaba iakhaid khlem don mano mano ba ioh thep kol.

Haba phai sha ka namjop ka Niaw Wasa , u Riphi O Shylla ula lam lynti ban thep ar kol tang hapoh 2 minit bala iaid ka jingiakhun. Shikol la thep da u Robert A Tang haka minit kaba 57′.

Haba phai pat sha ka jingiakhun third division, ak Lumkhangdong Kyndongtuber kala jop da ka walkover iaka Tpeppale, kaba khlem lah ban poi sha madan ialehkai haka por kaba la buh haka por 12 baje nohphaisngi. Haka jingiakhun kaba dang shu dep haka taiew kaba la dep ka Tpeppale kala shah pynliem haduh 9-1 haka Lutituber Ialong.

Kawei pat ka jingiakhun Third Division hapdeng ka Youth Social Welfare Pynthor pyrshah iaka Nangbah Mooknor kala kut da kaba iakhaid mar shikol. Na kaliang ka Pynthor la thep da u Chivalry Lipon bad na ka Nangbah Mooknor la thep da u Heinidawan Thubru.