Wer u DC WJH iaki nongshong shnong ban shimkabu ban pynbeit ïaki jingbakla haka E-Roll

Syllad | The Rising MeghalayaSeptember 2, 2019

JOWAI: U Deputy Commissioner, West Jaiñtia Hills District u Ma Garod LSN Dykes ula wer ïa baroh ki nongshong shnong, ki bor shnong ban shim kabu hapoh shibnai ban pynbeit ïaki jingbakla haka Electoral Roll.

“Ban ïoh ïaka E-Roll kaba beit bad kaba lait na ki jingbakla baroh ki nongshong shnong, ki bor shnong ryngkat ka tnad elekshon bad ki CSC ki dei ban iatreilang ban pynthikna ban pynbeit ïaka kyrteng thep vote khnang ba kyrteng thep vote kanlong kaba beit,” la ong u DC haba plie ïaka Electors Verification Programme (EVP) kaba la buh ban pynbeit ïa baroh ki jingbakla hapoh shi bnai naduh 1-Nailur haduh 30 Nailur haka sngi Nyngkong ha CSC, Starline, Iawmusiang Jowai.

Kane ka EVP ka dei ka programme ban plie lad ïaki nongshong shnong ban pynbeit ïaki jingbakla haki Epic, ban pynrung kyrteng ïa kiba la palat 18 snem ka rta ki bym shym la ïoh lad ban pynrung kumjuh kiba la dap 18 snem ka rta.

Ka Kong B Blah EAC, Election kala ong ba ha kane ka program la pynshlur ïaki nongshong shnong ban mih shakhmat ban pynbeit ïaki jingbakla haka EPIC naduh ki kyrteng bad kynthup ïaka kyrteng kmie kpa, ka tarik sngi kha, ka house number ban kynthup lang ïa kawei pa ka longiing haka juh ka thup, ban buh ïaki dur kiba thymmai haka EPIC.

Ha kane ka programme lah ban weng ïaka kyrteng kiba la khlad, kiba rah vote na kawei ka shnong sha kawei bad ban ai jingmut halor jinglong jingman ki jaka thep vote.

Ki kot ki sla kiba donkam ban rah ban pynbeit ïaki jingbakla haka E-Rolls kadei tang kawei, kata Indian Passport/Driving License/Aadhar/Ration Card/Identity Card for Govt./Semi Govt./Bank Passbook/Farmer ID da kaba pyndap iaka phorm lyngba ki BLO lane da kaba leh online lyngba ka NVSP portal lane ki paidbah kilah ban leit ha ki CSC kiba jan tam ban pynbeit ïaki jingbakla.

Ia kane ka jingpynbeit iaka kyrteng thep vote yn leit ialap ha manla ki iew, ki Higher Secondary School bad Kolej ban pynbeit ïaki jingbakla haka EPIC. Ïa kiba don jingduna haka bor met (PWD) la buh da u number 1950 ba kin phone sha ka tnad election ban iarap ïaki ban leh ia kaba donkam.