Wer u Bishop ka Jowai sha ka jingduwai kyrpang na ka bynta ka mynsiem u Pope Francis

Syllad | The Rising MeghalayaApril 24, 2025

U Most Rev. Ferdinand Dkhar D.D Bishop jong ka Jyllaniam Jowai lyngba u kyrwoh u pyntip sha baroh ki Lyngdoh, ki ‘Riewniam bad ki paid riewngeit jong ka Jyllaniam Jowai ba ka sngi tep ia U Kpa Bakhuid u Pope Francis kan long ha ka 26 tarik Iaiong (Sngi Saitjain) ha ka por 10 baje mynstep katkum ka jingkhein por jong ka Vatican ha Rome.

“Te kum ka dak ka jingleh burom ia katei ka sngi, Nga khot nga wer ia baroh ban iasnohkti lang bad ka Balang salonsar da ki jingduwai na ka bynta ka jingjahthait jong ka mynsiem Kpa Bakhuid jong ngi.”

Na ka bynta kane ka sngi la bthah bad pyntip sha baroh ki Lyngdoh, ki ‘Riewniam bad ki paid riewngeit jong ka Jyllaniam Jowai ba baroh ki skul Katholik hapoh ka Jylla Niam Jowai kin khang khyrdep ha ka 25 tarik Iaiong 2025.

La kyrpad ruh ia baroh ki Lyngdoh, ki ‘Riewniam bad ki paid riewngeit jong ka Jylla Niam Jowai ba kin wan iashim bynta lang ha ka Mass Bakhuid na ka bynta ka mynsien ba jahthait jong u Kpa Bakhuid ka ban long ha ka 25 tarik Iaiong 2025 ha ka por 4 baje janmiet ha Cathedral Parish Jowai,