Wer ka Seng Khasi Umtyllun Sohsynnam sha ka Shad Suk Mynsiem 

Syllad | The Rising MeghalayaApril 23, 2024

Ka Seng Khasi Umtyllun Sohsynnam, kaba don ha ka kyntoit Lawbah saw shnong kaba don marjan bad ka shnong Lawbah, Mawlyngbna bad Mawtepiew, Elaka u Syiem Mawsynram, Mawsynram Syiemship, East Khasi Hills, kaba jngai kumba 75 Km na ka nongbah shillong, ka pyntip ba ha ka 4 tarik u bnai Jymmang 2024,  kan pynskhem ïa kane ka tnat seng ha ka por 11 baje mynstep bad hadien kane, ha ka por 2 baje nohphai sngi yn sa pynbud pat sa da ka Shad Suk Mynsiem.

Kumta haba ïadei bad kane, ki nongïalam jong kane ka tnat, ki ïalap bad wer sngewbha ïa baroh ki parakur parakha ba kin ïa wan poi khnang sha kane ka kam bad ruh ban wan ïalam ïa ki nongshad kynthei bad shynrang khnang ba katei ka sngi kan long kaba shongkun bad iphuh iphieng.

Kane ka long kat kum u kyrwoh ba la phah da u Samla K.Kharbhih bad Rgh T.Risaw kiba dei Secretary bad President ka Seng Khasi Umtyllun Sohsynnam.