Wer ka JSU ia u paidbah sha ka jingshong kyllaiñ myngor ha Amlarem

Syllad | The Rising MeghalayaJune 1, 2023

Ka Jaintia Students’ Union (JSU) ka khot wer ia baroh u paid nongshong shnong hapoh ka Amlarem Sub-Division ban iawan sha ka jingshong kyllain myngor ban dawa pynbeit iaka Meghalaya State Reservation Policy.

Kane ka jingshong kyllain myngor kan long lashai ka sngi 2 tarik ha Amlarem (stand Padu) haka por 10 baje mynstep haduh 5 baje nohphaisngi. Kane ka jingiakhih ka dei kaba la pynbeit da ka Jaintia Coordination Committee for Reservation Policy, 1972 (JCCRP) kaba kynthup iaki sengbhalang bad nongialam shnong.

U general secretary JSU u Treiborlang Suchen ula ong ba kane ka jingshong kyllain myngor kalong ruh kum shibynta ban pynsgewthuh bad pynshai halor ka jingdawa ban pynkylla iaka Reservation Policy 1972 ban myntoi u paid Khasi Jaintia.