Wer iashimbynta ka DSO East Jaintia Hills sha ka Subroto Cup

Syllad | The Rising MeghalayaApril 30, 2025

Ka ophis District Sports Officer (DSO), East Jaintia Hills District kala khor wer iashimbynta iaki skul kiba don ha East Jaintia Hills sha ka jingialehkai football ki khynnah skul – District Level Inter School Subroto Mukherjee Cup Football Tournament 2025 ka ban long ha u bnau Jylliew.

Kane ka lympung ialehkai kan dei na ka bynta ki khynnah skul kynthei bad shynrang haka kyrdan Under-15 bad Under-17.

Iaki form lah ban ioh na ka ophis ka DSO kaba don ha Dkhiah haka por longtrei. Ka tarik khatduh ban pynpoi iaki form kan long haka 26 tarik Jymmang 2025.

Ka jingot snem na ka bynta ka Under-15 (Boys) ka long kiba kha hashwa lane hadien ka 01 January, 2011 bad na bynta ka kyrdan Under-17 jong ki shynrang bad kynthei kin dei kiba kha hashwa lane hadien ka 01 January, 2009.