Wan ba ar u khynnah Sawlyngdoh HSS Mowkaiaw rung biang ka North Liberty HSS haka First Twenty SSLC result ka MBOSE, jah kyrteng ki skul Jaintia haka HSSLC Arts Stream

Syllad | The Rising MeghalayaAugust 5, 2021

U Khynnah skul jong ka Sawlyngdoh Higher Secondary School Mowkaiaw, u Wanteibok Pator ula wan haka kyrdan kaba ar haka First Twenty Candidates jong ka result Secondary School Leaving Certificate (SSLC) kaba la pynbna ka MBOSE haka sngi Palei.

Nalor u Wanteibok, ki khynnah kiba ioh rung haka First Twenty na ki skul ha Rilum Jaintia ki dei ka skul North Liberty HSS. U Jayden Magni Pde bad ka Daffodil Langstang kiba wan haka kyrdan 14 bad 16.

U Kevinstrong Lawriniang u khynnah skul jong ka St. Thomas Higher Secondary School, Mairang ula wan haka kyrdan kaba nyngkong eh haka thup First Twenty naka SSLC examination 2021.

Katba haka result HSSLC Arts stream ka St. Anthony’s HSS bad St. Edmund’s HSS kila wan nyngkong, ba ar, bad ba lai haka kyrdan First Ten Position. U Daniel Ksanbor Khyriemmujat bad Jethro Jarvis Roy Jyrwa ki khynnah jong ka St. Anthony’s HSS kila wan haka kyrdan Nyngkong bad balai bad L Kennedy Vaiphei jong ka St. Edmunds HSS ula wan haka kyrdan ba ar ha ka thup First Ten.