Ujor ka HYC ïaki kharkhana shna rnga dewiong ha Shahlang

Syllad | The Rising MeghalayaMarch 11, 2019

SHILLONG: Ka Hynniewtrep Youths Council (HYC) West Khasi Hills District kala hiar sha ka Shnong Diengjalong, Shnong Sankilo, bad ka Shnong Sohdiengngam haka 9 tarik une u bnai  bad kala lap ba ki don 3 tylli ki kharkhana shna rnga dewiong kiba la sdang treikam khlem ka jingioh jingbit.

Halor kane ka HYC kala leit ujor sha u Syiem ka Hima Nongstoin Paiem P Syiem ha kaba na kaliang u Syiem ula ong baka ophis jong u kam pat ïoh jingtip ba don kine ki kharkhana shna rnga dewiong bad kam shym la ai jingbit ïa kine ki kharkhana shna rnga dewiong.

Na kaliang ka Office jong U Syiem Nongstion ka kan sa leh tyngeh ïa kine ki kharkhana kiba ïaid lait bad ka HYC kala pynpaw ba kine ki kharkhana kila pynkhein ïaka Administration Of Nongstoin Rule, 2006 jong ka Rule 8 sub rule 3 (a) kaba kam shah iaki barjylla ban trei hapoh ka Hima Nongstoin.

A HYC kala kynnoh ba ki don palat 70 ngut ki bar jylla ba trei ha kitei ki kharkhana.

U Lumlang Kharsyiemlieh President HYC WKHD ula ong ba kila dep ujor ha DC ka WKHD bad dawa ban phah khang khyrdep  ïa kitei ki kharkhana bala seng beaiñ. Nakaliang u DC ula ong un shimkhia ban pahah tohkit halor ka jingseng ïa kitei ki kharkhana hapoh ka District.

Nalor ka jinguor ha u Syiem Nongstoin, DC West Khasi Hills District, ka HYC kala ujor haka tnad Labour halor ka jingjyllei ki bar jylla bat rei khlem kot khlem sla.

Ka HYC ka suba jur ba kane ka jingwan kine ki kharkhana ka dei ka jingle khliehshrieh jongno re jongno bad dawa na ka bor jong ka aiñ ban pynshitom da kaba tyngeh ïa kine ki kharkhana kiba pynkheiñ aiñ mariang bad iada mariang.