U Shemborlang kum u CEM bathymmai ka KHADC; u Strongpillar kum u Chairman

Syllad | The Rising MeghalayaFebruary 26, 2025

Ka Voice of the People Party (VPP) kaba la jop haduh 17 seat ha kane ka elekshon MDC sha ka KHADC kaba dang shu dep ka la jied ia u MDC ka Langkyrdem-Laitkroh u Bah Shemborlang Rynjah ban shimti kum u Chief Executive Member (CEM) ba thymmai ka Khasi Hills Autonomous District Council (KHADC) bad u MDC ka Mawkhar-Pyntborumkhrah u Bah Strong Pillar Kharjana kum u Chairman ka Council.

Ia kane ka VPP ka la pynbna ha ka jingialang kaba la long ha ka 26 tarik Rymphang ha ka ophis treikam jong ka party ha Nongkrem ha ka jingiadon lang u president ba rangbah ka party u Bah Ardent Miller Basaiawmoit ban iamir jingmut halor ki sienjam kiba kum ka party kan shim nangne shakhmat.

Ha ka jingkren u Bah Ardent u la ong ba ka rai jong ka party ban thaw ia ka committee kaba rit ka dei namar kam kwah satia ban pynsyrwa kai ia ka pisa u paidbah kumba ka la kular sha u paidbah naduh kaba sdang .

Ha kane ka jingialang la jied ruh ia u MDC ka Mawhati Bah Kynjohlang Rangtong kum u Vice Chairman ka Council.

Katba ki hynniew ngut kiwei pat ki MDC kiba la shah jied kum ki Executive Member (EM) jong ka Executive Committee ki kynthup :

1. Powell Sohkhlet –MDC ka Pariong-Mawthadraishan

2. Seiborlang Warbah – MDC ka Mawkynrew

3. Isnei Hinge – MDC ka Umroi

4. Pynkhraw Kharjahrin – MDC ka Mawkyrwat

5. Aibandaplin L. Nonglait –MDC ka Mylliem

6. Deiti Majaw _ Malki Laitumkhrah

7. Winston Tony Lyngdoh – MDC ka Nongthymmai