U DC ka WJH kum u president ka Bharat Scouts and Guides ka District

Syllad | The Rising MeghalayaOctober 29, 2023

Ka Meghalaya Bharat Scouts and Guides ka la thung ia u Deputy Commissioner ka West Jaintia Hills District, u Bah BS Sohliya kum u President ka Bharat Scouts and Guides jong ka District ha ka jingialang kaba la long hapoh ka chamber jong u haka 27 tarik Risaw.

Ia kane ka jingialang la pynlong ha kamra treikam u DC haka jingiadonlang u Bah W. Lyngdoh, State Secretary ka MBSG, ka Kong  AP Syiem, District School Education Officer & District Chief Commissioner kaba la ai ka jingkren pdiang sngewbha, ka Kong Saramai Tariang, Vice President ka MBGS, WJHD kaba la pyniaid ia ka jingialang ha ryngkat ka jingiadon lang ki dkhot ba la rim.

Ha ka jingkren u Deputy Commissioner u Bah Sohliya u la pynpaw ka jingsngewnguh sngew burom ban ioh ia ka lad ban long ka bynta bad ka MBSG.

Nalor kata u la ai khublei ruh ia ki dkhot napoh ka District halor ka jingpdiang sngewbha ka jong ki shapoh ka kynhun bad pynthikna ruh ha ki halor ka jingkyrshan bad jingiarap ba pura na ka liang ka jong u ha baroh ki jingtreikam ki jong ka.