U Blei u dei uba khrawbor, ngim dei ban sheptieng ïa u Coronavirus: Pastor Sohklet

Syllad | The Rising MeghalayaMarch 16, 2020

“Ka pyrthei baroh ka sheptieng ïa u khniang ba pur bad ba ïabit bala tip kum u coronavirus ne u COVID-19 uba la wanrah ïaka jingjia kaba sngewsih ha kiba bun ka ri ka pyrthei, hynrei ngim dei ban sheptieng ïa une khniang ba ïabit na uwei u briew sha u uwei namar ba u don U Blei, uba ieit bad dap da ka jingaiei bad uba khrawbor ban ïada ïa ngi,” la ong u Rev. Dr. B Sohklet.

“Ka don ka jingkynnoh ba jingmih uta u coronavirus kadei ka jingleh khnang jong U Blei ban tynjuh namar ba ka imlang sahlang ha ri China la ka long haka kam sain hima sima, ka synshar khaddar khamtam lada kren bad ai jingmut tiak shaphang ka jingngeit Blei, kata la shah kem,” la ong u Pastor Sohklet haba sam ïaka khubor haka jingïaseng KJP Synoh Mihngi kaba 18^th kaba long ha Dkhiah, Khliehriat, East Jaiñtia Hills District haka sngi U Blei.

Kane ka jingiaseng synod kala sdang naduh ka 12 tarik bad kala poi sha kaba kut haka sngi U Blei haka ki paid riewngeit na kylleng kila wan sha katei ka jingiaseng. Ka sobjek jong kane ka synod mynta ka kynti ka dei “Ki la pynlip iaka sharak bad kim shym la thang iaki jingiwbih (2 Khron 29:7).”

U Pastor ula ong “Ki parabangeit ka balang kim dei ban sheptieng ïaka jingpang coronavirus namar ngi don ia U Blei bakhraw bor uba dap da ka jingieid bad jingaiei.”

U Pastor Sohklet haba sam ïaka khubor ula pynshong nongrim naka Kitab Genesis 3: 8-10 kaba U Blei ula theh ki jingkyrkhu ha u briew, hynrei u briew ula leh lyndet ïa U Blei. U Pastor ula pynpaw ka jingsheptieng ioh ba kata ka jingleh bakla thala jong ngi kan buh pud iaka jinglong kyntang jong U Blei bad pyntroin iaka Balang bad ka jinglong Khristan.

Ula kren ruh halor ka jinglong Khristan bad ka jingkynnoh ïa kiwei ki jaidniam ne ki kynhun kiba pyrshang ban pynthud ïaka jingngeit jong u khristan, hynrei kum ki khristan ngi leh aiu?  

Haka nohphai sngi la ioh ka jingkren na u Pastor SS Majaw Administrative Secretary PCI, uba la pynshong nongrim na ka kitab (Hebru 1:1:2) “Ha ki por barim bajah, u Blei U la kren man la ka teng bad ha ki bun rukom ha ki kpa tymmen jong ngi da ki nongïathuhhypa; khatduh khatwai ha kane ka juk, U la kren ha ngi da u Khun lajong, ïa Uba U la thung nongïoh pateng ïa kiei kiei baroh bad da U U la thaw ïa ka pyrthei.”

Ha kane ka jingiaseng Synod la ioh ka jingrwai Choir na ki Balang bapher kynthup naduh ka Jingiaseng Samla Balang Lawmei, Balang Umsyiem, Laitlyngkot bad Sohryngkham, Mowkaiaw, Laban, Standing Choir KJP Synod Mihngi bad na ka Jingiaseng Samla Dkhiah.

Ki kynrem ki lyndan ki ba wan sha kane ka synod ki kynthup ïa u bah Prestone Tynsong Deputy Chief Minister ka Jylla, u Lahkmen Rymbui Myntri sorkar bad Lamphang ka iingdorbar ka jylla Metbah Lyngdoh bad ki MDC bad kiwei kiwei kynthup ïaki ophisar sorkar.