Tlot ka bording dawa transformer ka KSU ha Wapungskur

Syllad | The Rising MeghalayaDecember 7, 2021

Ka KSU Unit namar ka jingtlot ka bording kala dawa naka tnad MePDCL ban pynbiang iaka bording ha Wapungskur, East Jaintia Hills District.

Ka KSU Wapung Unit haka sngi Nyngkong kala leit ia kynduh ia u Assistant EE Sutnga Distribution, Sub- Division MePDCL, Khliehriat haka jingialam u Deiniwan Lyngdoh president, u Shwari Ryngkhlem general secretary bad kiwei kiwei ban pynkynmaw ia une u engineer halor ka jingshithi kaba la buh ka KSU naduh u snem 2020 ban buh transformer sa uwei ha katei ka shnong.

“Ka jingtlot ka bording ha kane ka shnong kala buh jingeh ia ki paidbah ba pyndonkam bording, kumta ngi la dawa n aka MePDCL ban buh sa uwei u transformer 200 KV ban pynbiang iaka jingdonkam bording ha Wapungskur,” la ong ka KSU Wapung Unit.

Ha kaba iadei kane ka KSU kala phah copy ruh iaka jingshithi sha u MLA Khlehriat uba along ruh u myntri sorkar ban shimkhia ban pynbiang iaka jingdonkam bording ha Wapungskur.