Tied u Nick 100, khyrwit u Deibormi 5 wicket, pynliem ka Lion iaka Khimusniang haka District Cricket League ka WJHDCA

Syllad | The Rising MeghalayaApril 24, 2025

Ka jinglah ialehkai bha u Nick Dann bad u captain Deibormi Rangad ka la pynlong ïa ka Lion Sports and Youth Affairs ban jop da 162 run ïa ka Khimusniang ha ka District Cricket League kaba pyniaid da West Jaintia Hills District Cricket Association (WJHDCA) kaba long ha madan Khliehtyrshi ha ka 24 tarik iaiong

Haba tied nyngkong, ka Lion ka la lah ban kamai 253/4 ha ki 35 over, kaba kham bun ka dei namar ka jinglah jong u Nick Dann ban tied 100 run na ki 76 tylli ki bol. Ula khyrwit 4 tylli ki boundary bad 6 tylli ki six.

Kane ka jinglah ialehkai bha u Nick kala lah ban seng iaka nongrim kamai run kaba khlain nalor ka jingsynniang u First Born Dkhar (41 na ka 35 ball) bad u Deibormi Rangad (29 na ka 24 ball).

Haba beh iaka thong kaba 254, ka Khimusniang kam shym la lah ban ioh iaka jingsdang kaba paka bad ka la duh haduh 4 wicket bad kamai tang 20 run na ka 4.3 over bad nangne shakhmat ruh kala bteng ban hap wicket bad haduh ba kut kala kamai tang 91 run naka 20.4 over

U Ebormi Sutnga Sutnga ula kamai 18 run bad u Mebanroy Bamon 16 run, hynrei kim lah satia ban iatynjuh bad ki nongkawang ball ka Lion.

U Captain ka Lion u Deibormi Rangad u la lam khmat da kaba khur haduh 5 wicket bad ai tang 18 run na ka 6.4 over, u Peterson Lamare (3/21) bad u Marshal Pariat (2/21).