Thung ka Sorkar ia u Bah Dawhoi Langstang kum u Chairman bathymmai ka MPSC

Syllad | The Rising MeghalayaApril 21, 2025

Ka Sorkar Meghalaya ka la thung ia u Chief Engineer ka PWD, u  Bah Dawhoi Langstang kum u Chairman bathymmai ka Meghalaya Public Service Commission (MPSC).

Katkum ka jingpynbna kaba la pynmih da u Commissioner & Secretary ka Sorkar Jylla, Personnel and Administrative Reform (B)Department la ong ba la thung ia u Bah Dawhoi katkum ka bor kaba la pynkup katkum ka kyndon (1) jong ka Article 316 jong ka Riti Synshar jong ka Ri India, pule ryngkat bad ka kyndon 4 jong ka MPSC Regulations, 1972 vide notification No.PER(AR)65/2010/Pt/144 Dated 17 April 2025 .

Katkum ka jingpynbna hapdeng ka jingshakri ha ka kam u Bah Dawhoi Langstang un don ia ka hok bad un iai don hapoh ki kyndon bad ki jingpynbeit baroh kumba la kdew ha ka Regulation.

Nalor kata ka Sorkar ka la pynkut noh mardor ia ka jingshakri jong u  Bah Bedarius Shylla kum u I/C Chairman MPSC.