Thung ka sorkar ïa u Acting Dolloi ka Elaka Shangpung kum u Marriage Officer

Syllad | The Rising MeghalayaFebruary 7, 2019

JOWAI: Ka sorkar jylla ka la thung ïa u acting Dolloi jong ka Elaka Shangpung kum u Marriage Officer ne u ophisar ba pynïathoh shongkurim hapdeng ki riewngeit jong ka Sein Raij Shangpung.

Katkum ka notification bala soi da u Bah H Marwein Additional Chief Secretary jong ka tnat of Excise, Registration, Taxation and Stamps Department kaba don u no. ERTS (R) 3/2011/166 katkum ka bor kaba la pynkup da ka Section 3 jong ka Special Marriage Act 1954 (Central Act 43 of 1954) la thung ïa u Ma Chanki Langbang uba long u acting Dolloi kum u Marriage Officer.

Nalor u Bah Langbang, ka Sorkar la thung ruh ïa Bah Raphoo Iakai, uba long u President jong ka Sein Raij Shangpung ula shah thung kum u Marriage officer ban pyniathoh shongkurom hapdeng ki riew ngeit jong ka Sein Raii Shangpung katkum kitei ki Act.

Ka elaka Shangpung ka long kawei na ki 19 elaka ha rilum Jaintia Hills bad ka don haduh 22 tylli ki shnong bad kita ki long Shangpung Pohshnong, Shangpung Pohskur, Khliehrangnah, Thadmuthlong, Myngkrem, Rashai, Sohkymphor, Iurim Khlieh Shnong, Pammanik, Khlieh Umbuit, Mynktung, Khliehmushut, Moolibang, Mulieh Neinshnong, Mynska, Kyndong Tuber-S, Byrwai, Narwan, Tympiahkasu, Pasyih and Phramer, Sohkai-Jarain bad Rtiang-S.