Thung dieng ka SIM, MCSWA, Chilliangraij bad ki VO ka Namdong B

Syllad | The Rising MeghalayaJune 6, 2022

Kum shibynta ka jingrakhe burom ban ialap pynneh pynsah iaka mei ramew ne ka World Environment Day la pynlong iaka jingthung dieng ha kiba bun ki jaka.

Kane ka jingthung dieng la pynlong da ka Mihmyntdu Community Social welfare Association (MCSWA), Chilliangraij, ka kynhun jong ka Sarot I Man (SIM) bad ki ar tylli kiVillage Organisation ka Namdong B.

Ka Mih-myntdu Community Social Welfare Association, MCSWA kum shibynta ka jingrakhe iaka lyngkhuh snem ba 40 snem ka jingiaid lynti jong kala pynlong iaka jingthung dieng ryngkat ka jingiatreilang Faith Academy Secondary School Jowai and Nehru Yuva Kendra Sangathan West Jaintia Hills ha phyllaw ka MCSWA haka sngi Thohdieng ka taiew kaba la dep

Ka Dorbar Shnong Chilliangraij kala pynlong iaka jingthung dieng ha Khloo Langdoh haka sngi Saitjain.

Kawei pat ka kynhun ka Sarot I Man (SIM) kala pynlong iaka jingthung dieng ha Kiang Nangbah Memorial Park, Madan Syntu Ksiar, Panaliar Jowai haka Sngi U Blei.

Shuh shuh ka kynhun jong ki longkmie jong ka Namdong B lyngba ka Village Organisation jong ar tylli ki block kala mih paidbah ban thung dieng haka sngi Saitjain.

Ha kane ka jingthung dieng la iaodnlang u waheh shnong Namdong B, Damian S War, Assistant Waheh Shnong Pius Ksoo, Secretary Shnong A. Shadap nalor kiwei kiwei.