Thung dieng ka Sarot I Man ha Jowai

Syllad | The Rising MeghalayaJune 4, 2023

Ka Sarot I Man (SIM) ka la kynmaw burom ïaka World Environmaent Day da kaba thung ïaki tynrai dieng haki bynta ka Treriat ka Kiang Panaliar Jowai.

Shwa ka jingthung dieng ka la don ka jingïalang ba la pynïaid da u Shape Pasweth haka jingdonlang u Taiwanyoo War, District Soil Conservation Officer (Territorial Division), West Jaiñtia Hills District.

U Riquoma Rq. Laloo ula kyntu ïaki dkhot ka SIM ïaka mynsiem ïeid mariang kaba ymkut tang haka shisngi hynrei ban long ka nuksa ïa kiwei bad ïarap ïa kiba donkam jingïarap haka imlang sahlang.

U Chairman Shape Pasweth ula ong ka ri India ka don haka jingma bad ula kyntu ïa baroh ban pynneh pynsah ïaki dieng ki siej haki khlaw ki btap.

Kiwei de kiba la ai jingkren ki long u Jait dao Sumer, u Kyllimot Lhuid bad Sienmitre Sumer.