Thung dieng ka Dorbar Shnong Chilliangraij

Syllad | The Rising MeghalayaMay 31, 2023

Ka Dorbar shnong Chilliangraij ryngkat ka jingiatreilang ka District Forest Officer, Wildlife Division Jowai bad ka Chilliangraij SSA UPS haka sngi ba ar kila pynlong Tree Plantation Drive ne ka jingthung dieng haka jaka kaba la tip kum ka Trepariat ba hap hapoh u pud u ang ka Dorbar Shnong Chilliangraij.

U Damehiwot Pde, Waheh Shnong Chilliangraij ula kyntu iaki paidbah ban sumar, pynneh pynsah iaka mei mariang da kaba thung iaki dieng ki siej, iada iaki um ki wah khnang ban im ka longbriew manbriew na kawei ka pateng sha kawei ka pateng.

Shwa ka jingthung dieng u Geneous Ryngkhlem Forester I, Wildlife Division Jowai ula lamkhmat ban pule iaka jingkular ban tyngkai iaki dieng ki siej ba la shim bynta da ki khynnah skul, ki dkhot shnong bad ka VDP dorbar shnong Chilliangraij.