Thep kyrteng tang u Ma Lakhon ïaka shuki Chairman, Thombor ïaka shuki CEM: JHADC

Syllad | The Rising MeghalayaMarch 6, 2019

JOWAI: U MDC ka Nongbah, Ma Lakhon Biam bad u Ma Thombor Shiwat MDC Nartiang Umladang ki  dei tang ma ki; kiba thep kyrteng na ka bynta kam Chairman bad  ka shuki CEM jong Jaiñtia Hills Autonomous District Council (JHADC) mynta ka sngi Balang.

Haduh bala kut ka por thep kyrteng haka  por 12 baje mynsngi kidei tang kine arngut ki MDC ba thep kyrteng bad kin jop suk ia kine ki artylli ki shuki.

Ha JHADC, ka Executive Committee kaba thymmai ka dei hapdeng ka UDP bad NPP, ki paralok ba ïatreilang haka Sorkar MDA haka jylla.

Ka shuki Deputy CEM ruh kan leit sha ka UDP bad ki EM yn ia bhah 5-4 hapdeng ka NPP kaba jop 12 constituency bad ka UDP 10 constituency.

Ka election ban jied ïa u Shongknor ka konsil kan long haka por 11 baje mynstep bad CEM kan long haka por 2 baje nohphai sngi lashai ka sngi Lber 7.