Thep kyrteng ka longkmie; san ngut ki rangbah: MDC Election

Syllad | The Rising MeghalayaFebruary 4, 2019

SHILLONG: Ka Kong Rebecca Kharmujai, kaba dei ka khun u MLA bad MDC barim ka Nongkrem Constituency u (L) Bah DR Nongkynrih (Bah Roblin) kala thep kyrteng ïalade ban ïakhun elekshon  MDC sha ka ïing dorbar thawaiñ jong ka Khasi Hills Autonomous District Council (KHADC) kaban sa long haka Rymphang 27 tarik haka sngi Nyngkong.

Nalor ka Kong Rebecca Kharmujai, U Bah Ostiwel Lyngdoh Nonglait ula thep kyrteng kum u kyrtong ka Congress na Laban-Mawprem.

Na Nongstoin: Saw ngut ki kyrtong MDC kynthup u MLA ka Mawshynrut  kila thep kyrteng West Khasi Hills.

Kine ki saw ngut ki kyrtong ki kynthup ïa u Bah Gabriel Wahlang kyrtong ka party Congress na Nongstoin , u Bah Srally Rashir kyrtong Congress na Mawshynrut, u Samla Bajop S.Pyngrop kyrtong ka party Congress na Rambrai Jyrngam constituency.

U MLA ka Mawshynrut  u Bah Gigur Marthong thep kyrteng na ka NPP na Mawshynrut Constituency .

Ha Rilum Jaiñtia: Ym pat don mano mano ba thep kyrteng bad kin don katto katne lashai ka sngi.