Thaw tnad thymmai ka JSU ha Laskeiñ

Syllad | The Rising MeghalayaMarch 17, 2020

Ka Jaintia Students’ Union (JSU) ban pynkhlain iaka jingtreikam jong ka kala thaw ia kawei ka tnad thymmai Laskein Block kaba la tip kum ka Laskeiñ Circle. Ïa kane ka tnad la pynskhem mynta ka sngi ha Jowai.

Iaka jingalang la pyniaid da u Trainbormi War, Discipline Secretary la ioh ka jingkren pdiang burom na u Yoosar Kynjing Organising Secretary.

U Treiborlang Suchen President JSU-Shillong Circle haka jingkren ula iathuh iaka thong treikam bad kaba kongsan eh ka long ban dawa Inner Line Permit (ILP) bad ban pyrchah jur iaka aiñ CAA jong ka sorkar pdeng.

U President JSU Lawyerson War ula kyntu iaki dkhot ban long kiba iatylli bad kiba iaineh haka nongrim haba trei na ka bynta ka bha ka miat jong ka jaidbynriew. Ula kyntu ruh iaki dkhot thymmai ban don ka mynsiem ialeh bad ban long kiba pyrkhat jngai na bynta ki pateng jong ka jaitbynriew.

Ha kane ka sngi la iadonlang ruh u nongai buit u Sajeki Passah uba lam khmat ban pynsmai bad ki kyntien kular ia baroh ki dkhot thymmai ka Laskein Block Circle.

Ki nongkitkam ka Laskein Circle ki dei u Dapmain Suchiang kum u president , vice president Bantei Maskut, general secretary Franky Shylla, finance secretary Daeimi Biam, organising secretary Bantei Suchiang, assistant organising secretary Bakordor Timung, publicity secretary Heiborki Suchiang, assistant publicity secretary Nitenjan Pala, disciplinary secretary Niwansuk Labon, sports secretary Meban Dkhar, office secretary Brighstar Lamare, cultural secretary Rideiwa Dkhar bad education secretary Aplang Lamare bad 12 ngut executive member.