Thaw rekod thymmai u MDC Shangpung haka sain hima sima ka JHADC

Syllad | The Rising MeghalayaJune 11, 2020

U MDC jong ka 16-Shangpung ula thaw rekod haka history jong ka kam sain hima sima ha kaba tang hadien shi snem u kylliang haduh 2 tylli ki seng kumba bujli sopti.

Une MDC u dei u J Treilang Suchiang, MDC jong ka Jaintia Hills Autonomous District Council (JHADC).

Hapoh shisnem une u MDC phet na ki 2 tylli party, kaba nyngkong na ka UDP kaba u jop kum u MDC pyrshah ia u Kilometer Lytan. Hadien pat ula pyniasoh sha ka BJP.

Mynta pat ula pyniasoh ialade sha NPP, kaba synshar ha sorkar Jylla bad haki konsil.

Kane ka jingphet seng une u MDC ula thaw rekod shimet haka sain hima sima bad kane jia long namar ka jingbym treikam ka aiñ kyntiap seng ha ki autonomous konsil.

U General Secretary NPP, West Jaiñtia Hills u Donboklang Kharjana ula iathuh ba une u MDC ula wan ban pyniasoh ialade sha ka NPP mynta ka sngi ha ophis treikam jong ka NPP ha Newhill Jowai.

Da ka jingiasoh une u MDC kala nang nang bun paid haka Executive Committee kaba Ialam u ma Thombor Shiwat kum u CEM Jaintia Hills Autonomous District Council. (JHADC).

La pdiang ia une u MDC da u State Genenral Secretary NPP, u Barphi Toi, Block President NPP 3-Raliang block u Heingaitmon Suchiang.

La iathuh ba iaki nongkyrshan jong une u MDC yn pdiang kham hadien haka thain jong u hi.