Lashai ka final Subroto Cup ha Jowai, thaw rekod biang ka North Liberty da kaba jop ha baroh 3 tylli ki semifinal

Syllad | The Rising MeghalayaJune 24, 2022

Kan dei ka sien kaba ar iaka North Liberty Higher Secondary School ba kan ioh iaka lad ban aireng ha baroh lai tylli ki final haka Subroto Cup, katta haka Under-14 Boys’, Under 17 Boys’ & Girls’ kaba pyniaid da ka ophis u District Sports Officer, West Jaintia Hills District.

Ka sien kaba nyngkong ba ka North Liberty HSS kala iakhun lai tylli ki final kalong ha u snem 2019 bad kala jop ruh bad ioh mihkhmat iaka district sha ka state level. Mynta ka kynti ruh kala thaw biang iaka rekod bad dei tang maka ka skul na Jowai kaba la jop lai tylli ki semfinal haka Under-14, Boys bad Under-17 Boys & Girls hadien ba kala jop iaka jingiakhun semifinal kaba long ha Kiang Nangbah Stadium haka sngi Thohdieng.

Haka jingiakhun semifinal haka Under-14 Boys’, ka North Liberty HSS kala pynliem da ka tie breaker 3-1 pyrshah iaka HK Singh Memorial SS.

Haka Under -17 Boys ruh kala pynliem iaka HK Singh Memorial SS da ka tie breaker da 3-2.

Haka Under-17 Girls ka North Liberty HSS kala pynliem iaka Riwar Jaintia Church of God SS da 5-0 kol.

Ha kawei pat ka semifinal Under-14 Boys, ka RC Eve SS kala jop da ka tie breaker da 4-1 kol iaka Padu SS.

Haka Under 17 Boys; ka Little Flower HSS, Ummulong kala pynliem da 1-0 kol iaka Govt Boys HSS bad na kaliang ki kynthei ka Kiang Nangbah Govt HSS kala jop da ka tie breaker 3-2 iaka Police Public School.

Kane kala biang pura ia baroh kine ki skul ban mih madan lashai ka sngi Saitjain ban iaknieh iaka nam lahduh bad ban mihkhmat iaka district sha ka state level.

Ka jingiakhun final kaba nyngkong kan long haka por 9 Am hapdeng ka North Liberty HSS pyrshah iaka Kiang Nangbah Govt HSS haka kyrdan Under -17 Gilrs.

Ka jingiakhun kaba ar haka kyrdan Under-14 Boys’ ka North Liberty pyrshah iaka RC Eve SS, Mihmyntdu haka por 10:30 AM.

Ka jingiakhun final kaba khatduh hadpeng ka North Liberty HSS pyrshah iaka Little Flower HSS Ummulong haka por 12.00 PM.