Thaw ka BJP iaka ST Morcha ban myntoi ki riewlum

Syllad | The Rising MeghalayaFebruary 2, 2024

Ka BJP ka lah thaw ïa ka Scheduled Tribe Morcha kaba hap hapoh ka BJP, Meghalaya Pradesh ha ka 31 tarik u Kyllalyngkot hapoh ka ophis treikam kane ka seng kaba don ha Bivar Road. Ha kane ka sngi u President ka ST Morcha u Thomas Marak u lah pyllait ïa ka  program ‘vocal for local’ ‘ka sur na ka bynta ki trai ri trai muluk’ kum shibynta ka jingpyntreikam ïa ka gaon chalo abhiyan, kaba don jjngthmu ban kner ki kti treikam sha baroh ki shnong wat sha ki jaka kyndong jong ka jylla Meghalaya.

Ïa kane ka ST Morcha la thaw da kane ka seng saiñ pyrthei ban pynthikna na ka bynta ka jingmyntoi  bad bhalang jong baroh ki trai ri trai mulok da ka seng BJP ka jylla.

Ha kane ka program u President ka seng ha kane ka jylla, u Rikman G Momin, u lah pynkup burom ïa ki dkhot nongtreikam ba hakhmat jong ka ST Morcha, ki president ha ki distrik bad  district committee bad pdiang sngewbha ïa ki ha u tnum u tyndai jong ka seng.

Ban pynthikna ka jingïoh jingmyntoi jong ki trai ri trai muluk, ka ST Morcha, kum shibynta ka jjngpyntreikam ha kylleng ki jaka jong ka jylla, kan leit sha baroh ki shnong ba kynthup sha ki shnong kiba don ha ki jaka ba kham kyndong ban leit ïalap bad saphriang jingtip halor ki skhim pynroi bapher bapher ba lah mang da ka sorkar pdeng bad ban ïarap ïa baroh ki trai ri trai muluk ban ïoh ki lad jingïarap bapher bapher.

Na ka liang u President ka seng ha ka jylla u lah kular ba ka seng kan ai ka jingkyrshan kaba pura na ka bynta ka ST Morcha.