Tam ka Nangbah Mulang haka miej iakhien poin, iakhaid ka Wahiajer vs Ladthadlaboh haka Super Div ka WJDSA

Syllad | The Rising MeghalayaNovember 28, 2024

Ka Nangbah Mulang ka la pynliem da 3-0 iaka Sailung Ialong haka jingiakhun kaba khatduh bad kane kala pynlong iaka ban bat iaka kyrdan kaba ha khliehduh haka miej iakhein poin da kaba kamai 19 poin haka Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 28 tarik Naiwieng

Ka Demthring kala wan haka kyrdan kaba ar da kaba kamai 16 poin. Ka Wahiajer 14 poin bad ka Ladthadlaboh 11 poin hadien ka jingiakhaid jong ki da 2-2 mynta ka sngi kaba ki iasam mar shi poin.

Haba phai sha ka jingialehkai, ia ki lai kol ka Nangbah Mulang la thep da u Roland Shylla (11), Niponghi Sumer (25) bad u Soniroy Suchiang (45+1)

Ka Wahiajer kala tam sha khmat da 2-1 pyrshah iaka Ladthadlaboh, hynrei haka minit kaba khatduh ka Ladthadlaboh kala tan kylla iaka jingiakhun lyngba ka kol kaba la thep da u Jervisly Rymbai (90+2). Shuwa kane ka kol la thep da u Buromlangki Salahe (54). Na kaliang ka Wahiajer la thep da u Riburom Jat (35) bad u Diceduous Pyrtuh (80).

Kane ka lympung kala jam noh sha ka wat kaba ar kata ka qualifier bad ka eliminator ha kaba kine ki saw kynhun kin iaknieh ban rung sha ka final mynta ka aiom ialehkai. Ka Lumiawmuchai Shangpung bad ka Sailung Ialong hadien ka jingbym lah ialehkai bha mynta ka aiom kin hap noh syndon ban hiar ialehkai haka kyrdan 1st Division haka aiom ban wan.