Synñiang u MLA ka Jowai da ka tulop shibnai ban siew tulop iaka skul

Syllad | The Rising MeghalayaDecember 23, 2020

U MLA jong ka Jowai u ma Wailadmiki Shylla, ula synñiang da ka tulop jong u naka bynta ban buria ban pynmih iaka tulop jong ki nonghikai ha kawei ka skul hapoh ka Constituency jong u.

Kane ka skul kaba u MLA ka Jowai ula synniang pisa kadei ka Mukhla Raij Upper Primary bad ka Higher Secondary School, Mukhla.

Ka School Managing Committee kala iathuh ba u MLA u synniang T.2 lak naka tulop kaba shibnai ia kane ka skul na ka bynta ban siew iaka tulop jong ki nonghikai.

Ka jingduh tulop ki nonghikai kane ka skul kalong 4 bnai haka kyrdan Upper Primary bad 6 bnai haka Higher Secondary School.

“Ka School Managing Committee ka la mad ia ka jingeh mynta u snem ban pynmih fund ban ioh siew ia ka tulop ki nonghikai, kumta da kawei ka jingmut ka SMC ka la shim ia ka rai ban leit pan jingiarap na u MLA khnang ban ioh siew ia ka tulop nonghikai, kumta na ka liang jong u MLA Wailadmiki Shylla da ka mynsiem ba sngew khia u la noh synniang da ka tulop jong u shi bnai kaba T.2 lak. Ka jingwan lyngshop jong ka khlam COVID 19 ka la pynthud ia ka SMC ba kan pynmih fund kumba ka ju leh ha man la u snem ban ioh pisa ban siew tulop ia ki nonghikai jong kane ka Skul,” la ong u S Sari Executive Member ka School Managing Committee.

“Na kaliang ka School Managing Committee jong ka Mukhla Raij U.P/Higher Secondary School Mukhla ngi kitbok kitrwiang ia u MLA ba un ioh ia ka met ka phad ba shait ba khlain bad to ai ba U Blei Trai Kynrad un dang theh shuh shuh ia ki jing kyrkhu kyrdoh ia u,” ong u ma Sari.