Syllad ka eriong ha Elaka Narpuh rat ïaki tnum ki ïing briew bad ïing skul LP ka Lumshnong

Syllad | The Rising MeghalayaMay 1, 2019

KHLIEHRIAT: Ka ‘eriong bad lap bah ba jur kila wan ban lyngshop ha ki katto katne tylli ki shnong ha  Narpuh Elaka East Jaiñtia Hills District  haka sngi Balang.

Kane ka jingwan lyngshop ka bor mariang kaba la jia haka por kumba 5 baje kala wanrah ka jingjulor ïa bun bun tylli ki ïing ki sem kynthup ïaki jingthung jingtep.

Ka khubor kaba ïohlum ka iathuh ba lai tylli ki ïing briew haka shnong Thangskai kila julor bun na ka jing lied ka eriong ïaki tnum ïing bad kawei pat ka ïing kala shah ban haka u dieng uba la khyllem na ka jingkhyrwit ka lyer. Kane ka iing kaba shah ban ha u dieng ka dei jong u ma Tyngshsiñ Pohthmi bad kiba la shah lied ka tnum ka dei jong ka kong Barihun Syrti bad jong u Alirius Pala.

Ka lyer kala rong ruh ïaka tnum ïing jong ka ïing skul primary-Govt LP School Lumshnong.