Snohktilang ki riewngeit Hindu ha Jowai haka jingplie iaka Ram Mandir ha Ayodhya
Ki riewngeit ka niam Hindu ha Jowai haka 22 tarik Kyllalyngkot ki la snohktilang haka jingplie iaka Ram Mandir ha Ayodhya, Uttar Pradesh da kaba peit ha ki telibishon kaba la pyni live telecast iaka jingplie paidbah iaka Ram Mandir.
Ia kane ka jingplie paidbah ia kane ka Ram Mandir, ka ban sah khana pateng la pateng haka history ka Ri India, kaba la shimbynta lang da u Myntri Rangbah Duh ka Ri, Narendra Modi haka jingpynkyntang ia u blei Ram Lalla ha kane ka temple ba itynnad bad bakhraw ka ri.
Ha Jowai, nalor ki riewngeit Hindu la donlang ruh ki nongshah khot sngewbha ban sakhi iaka jingplie iaka Ram Mandir.
Iaka jinglehniam bad lehkmen ha Jowai kaba la pynlong ha Shiv Mandir Complex, Iawmusiang la khot pynlong da ka Vishva Hindu Parishad (VHP) Jowai.
La sakhi ba ki lynti synkieng jong ka Mandir la pynriam itynnad da ki syntiew bad hapoh ka Mandir la don ka jingnguh blei, tah tika bad dhaga.
Hadien ba la dep ban plie iaka Ram Mandir la sam iaki Prasad bad ai jingbam ruh ia baroh ki nongwan iashim bynta ha Shiv Mandir.
Haba iakren bad u Bholak Kumar Gupta u Secretary ka VHP, Jowai ula ong ka long ka sngi sah jingkynmaw ia baroh ki riewngeit Hindu namar ba la lah ban plie iaka Ram Mandir hadien 500 snem.
Ula iathuh ruh iaka khana lyngkot 500 snem mynshwa ba ju don ka Ram Mandir hynrei la shna noh da ka Masjid halor jong ka da ki Syiem Mughal.
Ula ai khublei iaki bor pyniaid Shnong ka Iawmusiang kiba la ai jingbit ban pynlong ia kane ka jinglehkmen, ki nongialam ka Seiñraij Jowai, ki sahep sorkar ka District bad kiwei kiwei kiba don bynta ha kane ka jinglehniam.
Facebook
Instagram
Youtube
Twitter
Leave a Reply