Sngewlem ka SPC halor ka jingkhlad kyndit u Ronaldstone Syiem, u nongthoh khubor na West Khasi Hills

Syllad | The Rising MeghalayaDecember 22, 2023

Ka Shillong Press Club (SPC)  ka pynpaw ka jingsngew kyndit bad sngewsih jur halor ka jingkhlad noh jong uwei u dkhot ba la rim jong ka u Bah Ronaldstone Syiem.

Ka SPC ka pynpaw ruh ba u Ronald u dei u briew uba sngewtynnad uba trei minot bad u nongthoh khubor uba shlur na ka thain West Khasi Hills bad uba dei ruh u correspondent ba nyngkong eh jong ka kotkhubor English Daily na ka thain, ka Shillong Times. Nalor kata u dei ruh uba noh synniang shibun na ka bynta u Kotkhubor Kynjatshai bad ka All India Radio mynta lah kumba 15 snem ei ei.

Nalor kata u dei ruh iwei na ki dkhot uba kloi ban iarap lem ia ki para nongthoh khubor kiba leit jngoh sha ka thain na ka bynta ban lum khubor bad ban wad jingtip. U Ronald barabor u ju pynlut tam ia ka por ban btin lynti bad ban iarap ia ki nongthoh khubor shapoh ka thain, bad ka kamram bam jong u ka long kaba la khreh ban ap lypa ia kiba kum kine ki nongwan jngoh, kata la ki wan na kino kino ki jaka.

Kumta kane ka jingkhlad ba kyndit jong u Bah Ronald ka la wanrah ka jingsngew thylli hapdeng ki para nongthoh khubor khamtam na ka thain West Khasi Hills namar ki la duh noh ia u dkhot ba shitrhem bad uba kloi ban iarap lem ha kine ki snem kiba la leit noh.

Ka Seng ka phah ruh ka jingsngewlem sha kiba haiing hasem jong u Bah Ronald khamtam sha i kurim jong u I Kong Baailang Lyngdoh Nonglait bad u khun jong u, u Lathan Lyngdoh Nonglait bad ba U Blei un ai ia u ka jingjahthait kaba shijunom bad bad un pyntngen ia ka iing ka sem ka jong u.