Siew lut ka Sorkar iaka bai bylla ki nongshet ja sngi ki khynnah skul

Syllad | The Rising MeghalayaDecember 23, 2023

Ka Sorkar Jylla kala dep siew lut iaka bai bylla ki nongshet ja sngi ne Midday Meal kaba mynta la tip kum ka PM Poshan haduh u bnai Naiwieng 2023.

Ia kane la pyntip da ka Union of Cook cum Helpers PM POSHAN Meghalaya, Shillong haka 23 tarik Nohprah. La pynpaw ba kane ka dei ka sien kaba nyngkong tam ha ka khana ka PM POSHAN (Mid day Meal), kata naduh u snem 2002 ïa kaba la sdang pyntreikam ïa ka da ka Sorkar jylla Meghalaya ba kin ioh lut iaka bai bylla (Honorarium) mynta haduh une u bnai November (Naiwieng) jong une u snem ’23, kata T.2000 tyngka tang na ka bynta shiphew bnai ha ka shisnem (T.1100/ na ka bhah ka Sorkar jylla bad T.900/ bnai na ka bhah ka Sorkar Kmie) ïa ki Cook cum Helpers PM POSHAN Meghalaya.

Kane kala wan long mynta ka kynti ka dei na ka jingshemphang jong u Swapnil Tambe IAS Director Education & School Literacy bad treikam bad ka jingtreishitom jong ki nongtrei ka PM POSHAN (Mid Day Meal scheme) cell.

Kumta ka synjuk ha ka jingïalam khmat ka Kong Banalis Syiem President, u Samla Jerry A Suting, Kong Gena Nengnong Vice President, Samla Charles Shongwan Asstt General Secretary ban pynpaw iaka jingkmen bad sngewnguh halor kane ka jinglah une u Director bad ki nongtrei ka PM POSHAN ban pynbeit ïa kane rukom siew pisa, ka seng kala khot pynlong da ka jingïalang ha ka 22/12/23 ha kamra pyrkhat kam ka tnat pule puthi ka jylla ban pynpaw ïa ka jingsngewnguh bad burom ïa kane ka jinglah ban pynbeit ïa ka rukom siew pisa sha ki Cook cum helpers PM POSHAN ka jylla.

Kane ka jinglah ban siew tikna ïa ka pisa ka seng ka don ka jingkyrmen bad jingshaniah kaba skhem ïa u Chief Minister ka jylla, ba shisien ba la lah ban pynbeit ban law ïa ka rukom siew ba tikna, te naduh une u bnai Rymphang (February) u snem ban wan ka Sorkar Jylla ka dei ban siew pisa manla u bnai, khnang ban shngaiñ ka jingim ki Nongshetja sngi bad ka longïing ka jong ki kiba don da ki hajar ngut ha ka jylla kiba bun ki dei ki Longkmie ki Kynthei kiba dei tang ki nong ïarap ïa ka Sorkar Jylla ban pyntreikam ïa kane ka PM POSHAN. Ki khynnah pule naduh ki skul dang rit haduh secondary kin ïoh man ka sngi ïa ka jingbam ba tei ïa ka met bad ka pyrkhat pyrdaiñ ki jong ki namar ki khynnah ha skul ki la long kum ki khun bad khunruid trai ki jong ngi hi ki nongshetja ïa ki, ba kin lah bha ban pule bad ban long ki nongshong shnong kiba sngewtrai kiba don ka jingkitkhlieh bad kamram ïalade shimet bad ka Ri baroh kawei.

Ka Seng ka Kyrmen ba ka Sorkar Jylla kan ai noh da ki tyndong Shetja LPG sha baroh ki kamra Shetja ha skul khnang ba ki dieng kin ïoh ban dang san ban ai lyer ïa ngi ki bynriew ha kane ka jylla. Contributed