Shongshit ka tamasa Lukha

Syllad | The Rising MeghalayaFebruary 5, 2019

JOWAI: Ka tamasa ba ar sngi ha wah Lukha kaba la pynlong da ka Sonapyrdi Tourism & Economic Development Society (STEDS) kala poi sha kaba kut haka 2 tarik u Rymphang da ki prokram pynbyrngia bapher babher kaba la pynshongshit ïaki paidbah kiba wan sakhi.

Ïa kane ka tamasa la pynlong haka jingïatreilang bad ka Meghalaya Rural Tourism Forum (MRTF) ha wah Lukha Umpasu Sonapyrdi East Jaiñtia Hills District, Meghalaya.

U Kyrmen Shylla Myntri  Tnad Social Welfare,  Revenue Bad Disaster Management ula wan ban plie ïa kane ka tamasa ha ki jingiadonlang ki riew rangbah ka thaiñ.

U Kyrmen Shylla u kular ban shimkhia ban ïakren bad ka sorkar ban wad ki lad ki lynti ban kyntiew ïa katei ka jaka kum ka jaka shangkai pyrthei bad ban pyrshang ban ïoh ka bhah pisa na ka bynta ban kyntiew ïaka kam jngohkai.

U President Ka Sonapyrdi Tourism & Econnomic Development Society (STEDS) u Daipaherbha Lamare, ula ong ba la pynlong ïaka Lukha Festival ban kyntiew ïaka kam jngohkai pyrthei ha katei ka jaka kumjuh ban tyngkai ïaki jingai ka mariang ‘law Narpuh Wildlife Sanctuary.

Kane ka jaka ka lah ban khring ïaki nongshangkai na kylleng kum na Assam, Tripura , Mizoram Bad Manipur lada lah ban ai jingïada ïaki jingai ka mariang.

Ki jingïalehkai ha kane ka tamasa ki kynthup iakop jngi, ngam um, ka ïakop niah lieng kynda. Nalor ka ‘Futsal Beach Competition’

Kala don ruh ka jingïai kjat shapoh ka ‘law Narpuh Wildlife Sanctuary haka jingïalam u Bah Alan West, Chairman Ka Meghalaya Rural Tourism Forum.

Kala don ruh ka ïakop ‘thei bha briew ‘Miss Narpuh 2019’ kaba dei ka sien kaba nyngkong bala pynlong ha katei ka thain bad ka jingpyni riam da ki Model Ba Pawnam ka jylla.

La pynhap pyrda ïaka Lukha Festival da u Ma Hopeful Bamon MLA barim ka thain uab long u Co-Chairman Ka Meghalaya State Planning Board bad la sam ïaki khusnam sha ki nongjop haki jingïakop bapher bapher.